Dab Neeg Ntuj Tsim Teb Raug (Nqe 9)

Thaum tus tseeb tsim hloov li no thiaj ua rau tog koos sam(communist tsis txaus siab, ces tus teeb meem kub ntxhov zuj zus tawm tshwm sim tuaj ntxiv. Txog lub January 1961 yawg tuam thawj American ( president kennedy ) tau txiav txim siab xa cov tub nkawg xaiv ( C.I.A.) tseem ceeb tawm tuaj rau yaj ces teb tsim meej ( indochine) cov neeg ( C.I.A.) no muaj peev xwm qhia tau kev cai ua rog hav zoov (guerrilla) nrog cov koos sam (communist) sib ntaus sib tua, feem coob yog qhia cov pej xeem toj siab uas yog (hmoob) vim hmoob yog cov paub toj roob hauv pes zoo tshaj, tsis tas li cov tub nkawg xaiv (C.l.A.) tseem ntshai tias: nyob tsam cov tub rog hav zoov lam muab tej cuab yeej ua rog coj mus muag rau tog koos sam(communist) los sis coj mus muag nyob kiab khw dub, tus tuam thawj tub rog (C.I.A.) tau tso cai rau ib tug hmoob hu ua : Vaj pov ua tus thawj tswj hwm cov tub rog hav zoov, vim yawg vaj pov yog ib tug thawj tub rog uas tau nrog tog koos sam sib tawm tsam feem muaj ceem kawg los lawm ( yav torn ntej no nws muaj koob meej loj heev ) yawg vaj xyoo: October, 9/60 muaj: lieutenant colonel vang pao tus tuam thawj tub rog, TouBy ly foung thiab cob xais qhas ua tus pom zoo, yawg nais koos lis xyooj pov ( mayor lee xiong pao ) ua tus nqua hu coj pej xeem tau 195 leeg tuaj cob rau yawg vaj pov sib koom tes sawv xov khawm ( revolution ) muab lub tiaj rhawv zeb ( plainedesjare) xeev xiengkhouang ntxeev coj mus zwm rau huab tais nplog tog ywj pheej ( freedom ) lub laj sim kob no cov nom tswv loj uas yog nplog tau khiav tawm nqis mus rau xaj vam nas khem thiab vees cas tas lawm, tshuav yawg vaj pov ib tug coj tsoom hmoob nyob nres nroos tiaj rhawv zeb tos nrog cov tub rog nruab nrab thiab nyab laj sib ntaus, sib tua xwb. Lub sij hawm zoo li no huab tais nplog thiaj tsa yawg vaj pov ua tus tuam thawj tswj kav tub rog nqi ob ( 2 ) nyob xeev kham (plaine des jare) thiab xeev xas niam.

Xyoo: December 31/60 cov tub rog nruab nrab uas yog yawg koos les ua thawj tswj nrog rau tub rog nplog liab thiab nyab laj liab koos sam ntau pawg txhiab tau ntaus zawj qees nkag tuaj rau lub nroog tiaj rhawv zeb (plaine des jare ) ua rau tsoom tub rog pej xeem hmoob tiv tsis taus thiaj thim tawm mus nyob toj roob hauv pes ua rog tub sab sib ntaus sib tua heev ua rau tog koos sam nyuab siab kawg nkaus. Thaum no yawg general vang pao tau teeb ob qhov chaw loj xws li : looj ceeb thiab xas thoos, looj ceeb yog qhov chaw txais tos neeg ua tub rog, xas thoos Yawg vaj pov yug nyob lub zos looj hej xeev xieng khouang, thaum yawg vaj pov ua tub rog fab kis yawg tau nrog cov nyab laj liab thiab Zij pee (Japan ) Sib tawm tsam ntau zaus los lawm thiab xyoo 1954 yawg vaj pov tau txais ib tsab ntawv pov thawj kawm tiav qib thawj tub rog feem pua nyob vees cas,lub caij ntawd nws tau qib ( lieutenant) xyoo 1954 no yawg vaj pov tau mus sib tua nyob ze dias npias fum (dienbenphou) uas yog ciam teb nplog thiab nyab laj thaum fab kis tau swb rog nyob dienbenphou ntawd yawg vaj pov coj tau 300 tus tub rog hmoob thiab 76 tus tub rog fab kis khiav tawm los tau, hos lwm cov thawj tub rog nplog thiab nyab laj ces muab cov fab kis tua pov tseg tas lawm, yog li no cov ( C.I.A.) thiaj Tsis ntseeg cov nom tswv nplog siab. Xyoo : August 9 /60 yawg captain kong le tau sawv xov khawm nyob vees cas,muab lub teb chaws los tsuas ntxeev ua nruab nrab,coj mus zwm rau tog koos sam,ntiab kom cov American ( us aid ) tawm teb chaws nplog mus tsis pub nyob lawm. Xyoo: august 18/60 general phus mis naum xaj vam thiab cob npoos oob sawv xov khawm nyob xam vam naj khem raws koos les tawm hauv vees cas. Xyoo: September 8/60 colonel qhas hub sawv xov khawm muab lub xiengkhouang ntxeev mus zwm rau koos les nyob vees cas. Yog qhov chaw txais tos pej xeem huab hwm, lub tsam thawj no kuj muaj cov American (usaid) cev tes tuaj pab fab mov noj,tshuaj kho mob, tsis tas li kuj muaj cov American ( C.I.A.) tuaj pab fab cuab yeej ua rog , lub caij zoo li no tog tub rog nruab nrab thiab tub rog nplog liab, nyab laj liab kuj tau txais kev piam sij loj los ntawm tsoom tub rog hmoob mus nyas tua thiab qhia dav hlau tuaj pov foob pob rau. 

Txawm hais tias yawg vaj pov yuav tiv thaiv tau zoo li no los yawg xum vas naj phoos mas thiab cov nom tswv tub rog loj nyob vees cas yeej tsis txaus siab rau yawg vaj pov li, raws li cov nom tswv nplog lub siab mas xav cia yawg vaj pov ua tus thawj coj tub rog mus sib ntaus, sib tua xwb,hos fab ntaub ntawv,nyiaj txiag,riam phom mas cia lawv ua tus tuav tas nrho, yog li ntawd mas American ho tsis kam vim luag tsis ntseeg nplog siab, lub caij no tseem hwv xum vas naj phoos mas haj tseem txwv txiav tsis pub yawg vaj pov mus tua ntaus tog nplog liab ntxiv thiab, Tus hauj lwm zoo li no yawg vaj pov thiaj muab tsoom tub rog hmoob thiab pub thawj nkag ncaj qha - mus rau Lub'haw tub rog loj ( C.I.A.) uas yog tub rog hav zoov ( special guerrilla ) nyob thaib teb, qhov ua li no vim American tsis muaj cai teeb tshav rog rau teb chaws nplog. Yawg vaj pov kuj tau txais kev pab cuam los ntawm cov American ( usaid ) zoo li mov noj, tshuaj kho mob nkeeg thiab lwm yam, raws txoj cai mas cov usaid luag tsuas pab neeg thoj nam tawg rog xwb. Lub koom haum air American kuj tau xa hom dav hlau me kwv yees li 200 lub mus ua hauj lwm rau haiv neeg hmoob uas yog yawg generaj vang pao ua tus thawj tswj hwm nyob looj ceeb,xas thoos tsis tas haj tseem pab fab nyiaj txiag rau tsoom tub rog speciaj guerrilla unit( S.G.U.) ib tug tub rog tau txais nyiaj hli kwv yees li $ 50.00 dollar los sis npaj nyiaj thaib. Yawg vaj pov tau txais kev pab fab qhia tub rog hav zoov ntawm cov C.I.A. ib pab twg muaj 40- 50 leej xwb, cov no thaum kawm tiav lawm yuav raug xa mus nqis rau hauv ciam teb nplog liab thiab nyab laj liab . txoj hauj lwm no tau pib xyoo 1962 xam pom tias tau txais hauj lwm zoo kawg, tau tsis ntev yawg vaj pov muaj peev xwm tuav tau lub teb chaws nplog sab pem toj yuav luag tas. Yawg vaj pov tau tsim tshav dav hlau 200 qhov chaw, thiab ib lub yeeb yaj tsom nyob rau tsua pham thiv xeev xas niam, nws xav ua kom cov neeg toj siab txhob poob rau nplog liab thiab nyab laj liab tes, mas txhua txhua zaus yog ntaus tau lub zos twg lawm yuav tsum tshem cov pej xeem tawm mus nyob lwm qhov chaw thaj yeeb xwb thiab txais kev pab cuam los ntawm cov (u.s.aid ). Cov neeg thoj nam xyoo 1964 kwv yees muaj 150.000 leej. Xyoo 1969 kwv yees muaj 800.000 leej. Txawm tias yawg vaj pov ua tau zoo li no los tseem hwv nplog uas yog yawg txum vas naj phoos mas yeej tsis txaus siab rau yawg vaj pov li, qhov tsis txaus siab no mas yog los ntawm yawg vaj pov tiv thaiv tua 12 Cov nplog liab swb ntau qhov chaw, lub caij ntawd yawg xum vas naj phus mas tau txwv tsis pub yawg vaj pov ntaus tog nplog liab ntxiv lawm. Thaum no tog nyab laj liab thiab nplog liab pom tias zoo sij hawm yog xyoo 1968 tog nyab laj thiab nplog liab rov ntaus zawj qees tuaj txeeb tau ntau qhov chaw lawm, yawg xum vas nas tsis hais dab tsi li. 

Txog xyoo 1973 ob tog nyob sib nres nroos tsis txawv li 11 xyoos dhau los ntag. Txoj hauj lwm yuav tau txais kev thaj yeeb li tau hais los no, haiv neeg hmoob* yuav tau nqis peev ntau hauj sim xws li fab tub rog hmoob muaj 30.000 - 40.000 leej. Txij li xyoo 1967 - 1971 tub rog hmoob tau raug ploj tuag muaj : 3.772 leeg, raug mob 5.426 leej raws li tus phaj xam tau meej tseeb. Lub laj sim kob no yawg vaj pov cov tub rog nyob qhov chaw kawg zog lawm,vim tias cov tub rog hmoob uas sau tuaj ntxiv mas 70% muaj hnub nyug 10 - 16 xyoo xwb, li ntawd los tog koos sam kuj tau txais kev puas ntsoog ntaus heev, tus tseeb tsim zoo li no haiv neeg hmoob kuj tau txais fab kev nom tswv qeb siab xws li : xyoo 1973 yawg tub npis lis foom ( TouBy lyfoung) tau zaum kwv tsav fab xa xov , saib xyuas kev ruaj ntseg,pab daws teeb meem txhua yam thiab sab laj ntawm huab tais xub ntiag. Hos yawg tub ntxawg lis foom (Tougeu ly foung) tau zaum rooj ua tus thawj saib fab plaub ntug hmoob muaj thawj pej xeem 3 tug los ntawm 34 tug haiv hmoob kwv yees li 10% los ntawm pej xeem AU Nplog,hmoob muaj 5 tug cob moos (mayor) 30 tus tuam xeem,dua li tseem muaj nais koos,phub toom nais npab coob kawg. Nyob lub xeev xiengkhouang hmoob muaj txog 50% xam thaum teb chaws ruaj ntseg, li ntawd hmoob tseem muaj cov tub kawm ntawv qib siab. B.A. 34 leeg, 24 leeg kawm nyob fab kis teb, tsoom pej xeem nplog thiab hmoob kuj zoo ib yam li cov tub rog,hais tau tias nyob sib tsuam nrees tsis kaj siab li, vim cov nom nplog poob siab tias tsam hmoob muaj hwj chim loj ces nplog poob ntsej muag, qhov uas tsa yawg Tougeu lyfoung ua tus thawj saib fab plaub ntug ntawd,tseem raug neeg nplog liam tias miab ( meo ) tsis muaj teb chaws, neeg nplog hais yuam txoj cai uas huab tais nplog tau teem tseg lub 5 hlis tim 11, 1947 ( 5/11/ 1947 ) raws li xav mas American dhuav phaum rog no dhau, vim ua tsis paub tag li American thiaj yeb vas rau yawg xum vas naj phus mas kom nrhiav kev nrog tog nplog liab sib sab laj daws tus teeb meem hauv teb chaws nplog. Li no thiaj muaj sib hais hnub tim 14 lub ob hlis xyoo 1973 ( 2/14/ 1973 ) hais kom nplog thiab nplog sib haum xeeb. 

Thaum no yawg xum vas nas thiab xum phas nuj voos nkawd 2 kwv tij tau sij hawm zoo los zaum ua ke sib tham ntsej muag luag ntxhi lawm, ces American tau sij hawm zoo ces American cia li nkaum zog tsis kam pab neeg thoj nam tawg rog lawm. Txog xyoo 1975 - 76 cov ( C.I.A.) tau thim rov qab tag nrho, yawg general vang pao tsis pom qab muab zog thiaj tau khiav tawm-15" Teb chaws nplog hnub tim 14 lub 5 hlis xyoo 1975 ( 5 / 14 / 75 ) mus rau thaib teb ( Thailand ) thiab coj cov txheeb ze yawg vaj pov kwv yees 2.500 leej nrog yawg mus xwb, dua li ces tso tseg rau teb chaws nplog. Thaum no ces nyab laj thiab nplog liab cia li ib teg zuaj kiag lub teb chaws nplog thoob plaws pem toj nram hav ua kiag nplog liab tug lawm. Cov hmoob ces mam khiav ua pab,ua pawg lug toj,lug pes mus rau thaib teb, cov hmoob raug nplog liab tuaploj tuag rau hav zoov,hav tsuag lawm ntau txhiab leej thiaj mus tshwm thaib teb. Ua ntej yuav tsum nkag rau lub yeej thoj nam noom qhais thiab yeej naj phoos,thiaj mam dhau taus lawm torn ntej tau, nyob lub yeej noom qhais,thaum ntej neeg thaib kuj txais neeg nplog zoo,tab sis neeg thoj nam khiav nkag coob lawm ces neeg thaib kuj hloov siab tsis pab lawm. Hos pawg hmoob khiav nkag rau lub yeej naj mas tau txais kev pab zoo dua, vim muaj pawg neeg sab hnub poob coj kev cai yes xus tuaj pab xwb. Lub sij hawm nawd tseem hwv thaib tab torn poob siab loj tsis paub yuav ua zaj twg. Qhov kawg hnub tim 30 lub 1 hlis 1976 ( 1/30/76 ) ib pab nom thaib tau mus ntsib cov nom ntiaj teb nyob koos thej thaib teb cov nom ( xam hav pam xas xaj ) taus lees hais tias luag yuav pab tag nrho,tsis hais tus hlob,tus yau,tsuav yog neeg thoj nam tawg rog xwb ces yuav tau txais kev pab ib yam nkaus. Suav txij li xyoo 1976 mus rau xyoo 1976 muaj neeg thoj nam tawg rog nyob thaib teb 113.000 leej, 60.000 leej yog hmoob txij li ntawd los thiaj mam li nrhiav lub teb chaws thij 3 Kom pab txais neeg thoj nam tawg rog mus tsim lub neej tshiab nyob lwm teb chaws. American txais thawj pab yog. General vang pao nrog cov tub rog thiab cov ua hauj lwm rau (U.s.aid ) nrog lawv poj tub se kwv yees li 2.000 leej xwb, dhau li ntawd American kuj qhib kev txais neeg thoj nam tsis tu ncua. Txog lub 6 hli 1976 tsoom teb chaws ywj pheej xws li: fab kis, kas nas das, Australia kuj tau cev tes tuaj txais ib hlis twg 100 leej neeg thoj nam mus lawv teb chaws, txawm hais tias txais li ntawd los luag tsuas txais tus txawj ntawv xwb tshuav cov pej xeem tseem tsis muaj txoj kev taug.