Dab Neeg Ntuj Tsim Teb Raug (Nqe 8)

Thaum zoo li no lawm, yawg vwj npuag yis 2 tug tub. Hu ua: vwj teeb yis thiab vwj teeb lis nkawd ob kwv tij sawv los coj tsoom hmoob nrog suav sib tua ntxiv mus yog xyoo 1796 lub laj sim kob no ntawd muaj ib tug thawj tub rog suav hu ua meej lias,nws tau coj nws cov tub rog ntau pua pawg mus puav tua hmoob nyob hav zoov,hav tsuag thoob plaws qhov txhia chaw,txog thawum kawg suav kuj ntes tau yawg vwj teeb yis. Txij li ntawd los ces cov rog hmoob tsawg tsawg lawm tshuav qho me ntsis xwb. Txog xyoo 1801 - 1804 kev suav quab yuam tsim txom hmoob tseem pheej muaj tsis tu ncua kiag li.thiaj li rov sawv dua ib phaum rog hmoob tuaj ntxiv, tab sis tsis loj lawm thaum hmoob swb suav tag ces suav tau ua tej yam nruj heev rau hmoob xws li: muaj nkuaj kaw neeg 987 lub cia kaw hmoob nkaus xwb txoj hauj lwm zoo li no hmoob tau poob siab lij lub sij hawm ntawd hmoob muaj neeg txog li ntawm 3 lab tus ( 3,000,000) nyob thaj tsam ntawd.hos muaj li ib lab tsib puas txhiab tus. ( 1,500.000 ) nyob sab nraum yog tiam 19. (19th century) thaum tus tseeb tsim zoo li no lawm hmoob thiaj nrhiav kev tsiv tawm tuam tshoj mus nyob lwm thooj av xws li: nyab laj,los tsuas, thaib,phaj mab txhua txhia qhov chaw. = txog xyoo 1800-1805 hmoob tau sab laj nrhiav kev tsiv tawm nqis los sab hnub tuaj nram hav, lub laj sim kob no hmoob tau siv cuab yeej riam phom coj poj niam tub se cab nyuj,cab nees nrog qaib npua noob qoob noob loos ntaus kev thoj nam nkag los rau nyab laj teb thiab los tsuas teb feem tsis ntshai leej twg kiag li. Hmoob nkag los nyob nyab laj teb thiab nplog teb sab pem toj thoob plaws. Txawm tias hmoob tau ntaus kev tawm los li hais no los tseem tshuav hmoob feem coob tseem nyob tuam tshoj txog niaj hnub no. Txij li tiam 19-20( 19 -20th -century) tuam tshoj (yaj ces tuam meem teb) tus tsov rog kuj tsis tus li,tseem muaj sawv loj zuj zus tuaj xwb thaum ntawd muaj ib tug nom suav lub npe hu ua: yawg maum txhij too, yawg tau sawv los ua tus tuam thawj coj tog suav liab (communiste) yawg tau hais rau nws cov tub rog hais tias: peb yuav mus hla cov zos hmoob ntau qhov chaw peb yuav vam cov pej xeem hmoob pab peb xwb tab sis hmoob tau raug tub rog suav los sis nom tswv suav quab yuam lawv los ntau txheej tiam lawm thiaj ua rau hmoob ntshai thiab tsis ntseeg tub rog suav li. 

Zaum no mas peb yuav hloov siab, peb yuav hlub thiab pab lawv,peb txhob j lam kov lawv dab tsi. Yog lawv zoo siab pub yam twg mas peb mam li yuav xwb,peb yuav ua siab ntev pab lawv txhua yam uas peb pab tau,peb txhob ua tej yam txhaum thiab tsis zoo,vim lawv nyiam kev thaj yeeb,lawv tsis nyiam kev kub ntxhov, yog peb ua tau li no mas lawv yuav zoo siab koom tes nrog peb xwb. Thaum no cov tub rog suav liab mus txog lub zos twg, lawv ua raws nraim li yawg maum txhij too tau hais rau lawv thaum ntej cov tub rog suav liab mus txog hmoob zos hmoob kuj ntshai tab sis hmoob saib ua cas tub rog suav ua zoo kawg, hmoob cia li koom tes nrog tog suav liab ua ib nqag lawm thaum no yawg maum txhij too tau txais cov neeg hmoob ua tub rog zoo kawg,vim cov neeg hmoob paub toj roob hauv pes zoo heev. Qhov uas yawg maum tau ua li no vim yawg tau kawm paub txog hmoob kab lis kev cai,paub hmoob lub siab xav tau dab tsi ? =xyoo 1949 yawg maum txhij too tau xa ib tug kws kho mob (Doctor american) lub npe hu ua (Ma aitch george haten) mus kho mob rau cov neeg toj siab uas yog hmoob, thaum no tsoom hmoob thiaj ntseeg tau tias.yawg maum txhij too muaj pluaj siab hlub cov neeg txom nyem tiag ces hmoob thiaj ua ib siab nrog yawg maum txhij too nyob li lawm.. lub 9 hlis xyoo 1969 nyob , tuam ceeb (Beijing) yawg tuam thawj kwm tsav suav liab tau tshaj tawm rau lub rooj sab laj loj nyob ntawm theem 6 qib 50 hais tias: cov neeg toj siab uas yog haiv neeg me ua zej zos nyob suav thooj av yuav tau txais kev thaj yeeb noj qab nyob zoo, thiab nyob ntawm qib 52 qhia tias haiv neeg toj siab (hmoob) muaj cai nkag ua tub rog tso pej xeem thiab tub ceev xwm nrog suav ua ib pawg nyob hauv tseem hwv chaw tswj teb chaws, tsis tas li nyob ntawm qib 53 tseem lees paub txog hmoob kab lis kev cai,kev dab qhuas hmoob tib si.txoj cai no tseem hwv suav tau tshaj tawm xyoo 1954 kom pej xeem toj siab nyias muaj nyias nom tswv kav xws li tus tswv nras (cob khiam) Governor.uas yog neeg hmoob mas thiaj ntseeg tau tias; tiam 20th no hmoob nyob tuam tshoj (yaj ces tuam meem teb) tau txais kev thaj yeeb lawm tiag. /f = zaj keeb kwm hmoob nyob yaj ces tuam meem teb (tuam tshoj) uas kuv tau tshawb nrhiav los ntawm tej neeg laus thiab tej ntaub ntawv nyob hauv yaj ces teb tsim meej thiab yaj ces veem com teb no ntau cov coj los ntsuam xyuas kuj hais ib yam txawv tsis deb, mas thiaj ntseeg tau tias yuav muaj tseeb xwb li, yog leej twg ho paub zoo tshaj qhov no thov muab coj los dhos ntxiv kom meej tseeb tshaj haj yam zoo xwb. - yawg. Major. Tougeu leepalao. Neeg nyob ntiaj teb muaj 4 tug: 

Neeg txawj ntse muaj 3 tug:

Kev cai ntseeg muaj 2 yam: 

Lus ntuas qhia kev vam meej:

Tougeu leepalao. (Neej hmoob nyob los tsuas teb (laos) - haiv neeg hmoob ntaus kev tawm yaj ces tuam meem teb (tuam tshoj china ) nkag los nyob teb chaws nplog qeeb dua mus nyob nyab laj teb(Vietnam) xws li sij hawm xyoo 1810 - 1820 ntau leej neeg tseem ceeb ntseeg tias: haiv neeg hmoob yuav nyob nyab laj teb tsis ntev, haiv neeg hmoob thiab haiv neeg co, ua neej sib hlub,sib pab. Lawv ua ke nkag los rau teb chaws nplog sab pem toj thoob plaws txhia chaw,lawv maj mam nqis mus txog lub xeev paj xas yav nruab nrab teb chaws nplog,haiv neeg hmoob xav nyob raws tej laj rooj siab uas muaj huab cua zoo thiab nyob ywj siab. Li ntawd thiaj tau txais kes kub ntxhov xws li: sib ntaus,sib tua ua ntu zus nrog lwm pawg neeg meme. Nyob hauv tiam 19 (19thcentury) haiv hmoob tau nrog haiv haiv pub thawj thiab mab qus sib ntaus,sib tua ib nplua nyob teb chaws suav, qhov kawg haiv hmoob tau muaj yeej zoo. Thaum haiv hmoob tau nkag los nyob teb chaws nplog lawm, nom tswv fab kis tau tso cai rau nom tswv nplog saib xyuas haiv hmoob ,tab sis nom tswv nplog tsis ua raws li txoj cai uas nom fab kis tau teem tseg. Haiv neeg hmoob tau txais kev kub ntxhov,quab yuam ntau yam xws li; sau se,plaub ntug thiab lwm yam sib xyaws ntxaws los quab yuam . Txog xyoo 1896 haiv hmoob tiv tsis taus nplog txoj kev quab yuam,thiaj li muaj kev sib ntaus uas yog zaum ib nyob lub xeev xieng khouang laos, txawm muaj li ntawd los txoj kev quab yuam yeej tsis tso tseg, txog xyoo 1919- 1921 tau tshwm sim ib phaum rog hmoob yog zaum ob nrog fab kis thiab nplog sib tua ( hmoob hu ua rog niam txiv ) uas muaj yawg paj cai vwj ua tus thawj tswj. Phaum rog no xub xub pib sawv nyob rau moos theeb nws tau kis los rau teb chaws nplog ,phaum rog no nom nplog tau hais rau fab kis tias: yog hmoob vwm. Thaum ntawd fab fis kuj ntes tsoom hmoob coj mus khi ua daj ris, ces xuas riam txiav caj dab xwb, lub laj sim kob kub ntxhov li no thiaj muaj ib tug txiv plig hu ua. Yawg Xas vis nas (savina) nws nyob nyab laj teb nws yog fab kis nws thiaj nee tuaj txog xieng khouang laos ,nws thiaj tuaj hais rau tus nom loj fab kis hais tias: hmoob tsis vwm qhov hmoob tua fab kis no yog hmoob raug kev quab- yuav ntau dhau lawm xwb, yog fab kis muab hmoob tua pov tseg li mas hmoob tuag dawb tsis muaj nuj nqis dab tsi rau fab kis, qhov zoo tshaj mas kom fab kis muab hmoob tsa ua nom kav hmoob es yog fab kis xav yuav dab tsi, mam hais rau hmoob tus nais es tus nais mam sau tuaj rau fab kis xwb mas hmoob tseem zoo siab ua fab kis qhev thiab pab fab kis, vim hmoob yog ib haiv neeg tsis nyiam luag quab yuam. Thaum tus txiv plig hais li no tas ces fab kis thiaj tsis ntes hmoob mus tua lawm, fab kis thiaj paub hmoob meej tseeb, dhau qhov ntawd los fab kis thiaj muab nom tswv theem qis rau hmoob ua kav hmoob xws li " tuam xeem " txij li ntawd los txog xyoo 1945 hmoob muaj txog 17 tus tuam xeem. Txawm hais tias tau li no los haiv hmoob yeej tsis koom siab li, haiv hmoob tau tawg ua ob pab xws li kuv yuav piav no: Thaum haiv hmoob tau nkag los nyob teb chaws nplog mas muaj peb xeem hmoob tau tawm npe ua ntej dua lwm xeem xws li: xeem lauj, xeem lis, xeem muas, peb xeem ntawd muaj ib tug npe hu ua npliaj yob lauj, nws tau txais ib lub npe nom hu ua: kiab toom, yog fab kis muab rau nws, lub laj sim kob no yawg kiab toom muaj hwj chim loj kawg npaum li ib tug cob moos ntag. Tau ib ntus tsis ntev hwj chim xeem hmoob muas tau poob qis zog lawm, lub sij hawm ntawd muaj ib yawg hmoob lis lub npe hu ua nraj pos, nws tau tsiv tawm yaj ces tuam meem teb (yog tuam tshoj china ) los rau yaj ces teb tsim meej uas yog (in docine ) nkag los rau nplog teb yog xyoo 1895 nws tau tsiv mus nyob rau lub zos : Looj hej torn qab no nws muaj ib leeg tub hu ua: Lis foom, yog Tub npis txiv. Txij li ntawd los yawg lis foom tau ua tej yam uas tsis muaj neeg paub, lis foom kawm lus: suav,nyaj laj, fab kis tau sai kawg, nws nyiam ua nom,ua tswv tshaj plaws. Lis foom yuav lauj kiab toom tus ntxhais xyoo 1918 torn qab no lauj kiab toom thiaj txais lis foom nrog nws ua laj kam. = yawg tub npis yug thaum lub 5 hlis 1919 tau tsis ntev lis foom poj niam uas yog lauj kiab toom tus ntxhais tau noj yeeb tuag lawm, ua rau lauj kiab toom chim siab heev,nws thiaj muab lis foom tshem tawm tsis pub nrog yawg ua kam ua ke lawm, tsis tas li yawg tseem txiav kev neej,kev tsav ntawm pawg hmoob lis du lug, txij li ntawd los ces thiaj ua rau ob xeem hmoob no muaj teeb meem Itshwm tuaj zuj zus. w ~ qhov uas yawg lauj kiab toom muaj hwj chim no mas yog los ntawm yawg tsis koom tes nrog pawg rog hmoob paj cai xyoo 1919-1921 ntawd yog li mas fab kis thiaj tso cai rau lauj kiab toom kav tas nrho tsoom hmoob nyob nroog moos qhas xieng khouang. = thaum zoo li no, fab kis kuj pom tias: ob xeem hmoob no tsis sib haum lawm, fab kis thiaj muab lub nroog Looj hej faib ua ob tug tuam xeem xws li: =muab yawg txoov tub lauj uas yog lauj kiab toom tus tub hlob tsa ua tuam xeem looj hej, muab yawg tsav txhiaj lis tsa ua tuam xeem phav npoom. = yawg txoov tub nyiam tua nqaij dhau,nws tsis muab siab rau txoj kam sau se, fab fis tsis nyiam yawg txoov tub. 

Txog xyoo 1935 yawg lauj kiab toom tau tuag lawm, txoov tub ntshai tsis muaj neeg pab thiaj ua ib siab thim tawm tsis ua tuam xeem lawm. Lub laj sim kob no ua rau yawg lis foom txaus siab heev kawg, yawg thiaj li nkag kiag mus khaws nkaus tus tuam xeem looj hej los ua, thaum uas tus toj xeem tau poob kiag rau yawg lis foom tes lawm mas ua rau yawg faiv ntaj uas yog lauj kiab toom tus tub chim siab heev tsis pom qab yuav ua zaj twg thiaj yuav tau tus tuam xeem rov los, tsis ntev yawg faiv ntaj thiaj nqa ib tug kub twj kum nqis mus vees cam ( Vientiane ) coj mus hawm yawg huab tais cob phev xaj laj thov kom yawg muab tus tuam xeem rau yawg faiv ntaj, tab sis kuj tsis tau txais txiaj ntsim dab tsi. Tau tsis ntev yawg lis foom kuj tau tuag lawm, lub sij hawm ntawd tsoom pej xeem thiaj pom zoo hu yawg tub npis uas yog yawg lis foom tus tub kom los txais tus tuam xeem no, yawg tub npis tseem hluas tab sis nws muaj hwj chim rau fab ua nom,ua tswv zoo,nws yog thawj tus hmoob uas kawm ntawv tiav qib siab ( diplome ) thiab xeem tau daim ntawv pov thawj ( B.E P ) nyob tuam ceeb vees cam los tsuas teb,dhau qhov ntawd nws tseem kawm tau fab kev cai tswj hwm plaub ntug nrog rau fab tswj hwm pej xeem tib si, yawg tub npis muaj meej mom,hwj chim fab nom tswv tshaj tas nrho tsoom hmoob. Li no thiaj ua rau yawg faiv ntaj tsis muaj kev nrog tub npis sib twv ua tus tuam xeem ntawd. Txawm li cas los yawg faiv ntaj txoj hmoov tseem zoo, tau tsis ntev lub Ntiaj teb tig los txog xyoo 1945 cov zij pee(janpan) Swb rog ntiaj teb zaum ob, yawg tub npis tseem tuav txoj num khov kho nrog fab kis ua txij tog txij pes nyob lub nroog Moos qhas xeev xieng khouang hos yawg faiv ntaj ces cia li tig hlo mus nrog tog nplog liab ua ib pawg lawm. Lub laj sim kob no ob tog nplog tau kev tws tas, huab tais nplog thiaj nqua hu ob tog nplog kom tig ntsej,tig muag rov los sib koom siab txhim kho lub teb chaws nplog kom muaj vaj huam sib luag. Xyoo 1947 tseem hwv huab tais nplog thiaj tsa tau tsab cai yog lub 5 hlis tim 11 1947 ( 5 / 11 / 1947 ) lees paub tias cov neeg toj siab uas yog hmoob muaj vaj tsev nyob thooj av los tsuas uas muaj npe hu ua: miab ( meo ) no cia li yog neeg nplog txij hnub no mus lawm thiab lub npe hu ( ua miab no tsis pub hu lawm, yuav tsum hu ua: los xoom (laosoung ) haiv neeg hmoob no yog tus twg Txawj ntse muaj cai ua nom tswv qib siab ib yam li tus neeg nplog.

Thaum ntawd yawg tub liab lis foom thiaj raug xaiv ua thawj pej xeem ( senator ) uas yog thawj tus hmoob tau mus zaum rooj tswj hwm fab thawj pej xeem yog zaum ib. txawm tau li no los yeej tsis tas,vim nplog tus nywj dub npog doog tseem niaj hnub los yuj suav daws siab tas li. = xyoo 1947 yawg xum phas nuj voos rov ntxeev siab dua, nws tau ntxias yawg faiv ntaj lauj thiab yawg xim thoos koos mas das nkawd kom nrog nws Es yuav muab nom loj rau nkawd xws li : yog pej xeem hmoob ces muab cob tas nrho rau yawg faiv ntaj ua tus muaj cai tswj hwm. Hos yog pej xeem pub thawj ces cob tas nrho rau yawg xim thoos koos Mas das ua tus tswj hwm. Thaum no ces faiv ntaj nkawd cia li tig hlo mus nrho yawg xum phas nuj voos ua ib nqag lawm. Lub January 16 . 1949 mus Txog lub. November, 1950 yawg xum phas nuj voos Tau tsa ib pawg nplog tseeb tsim hu ua: phav nias los Hav xaj, torn qab no hu ua : pam thej los, pawg nplog no yog yawg xum phas nuj voos ua tus thawj tswj hwm. Xyoo 1951 yawg xum phas nuj voos tau cog lus nrog peb pawg tseeb tsim koos sam (communist) Xws li : nyab laj (Vietnam) qhab meem ( Cambodia) thiab nplog ( laotian ) lawv cov no sib koom siab ua koos sam ( communist) sib pab tawm tsam nplog. = txij li ntawd los ces nyab laj thiaj tau kev nkag tuaj rau teb chaws nplog tsis tu ncua. Txog xyoo 1952 nyob yav qab teb: xaj vam naj khem ( savannakhet ) theem roob siab ( boloven ) yog ib lub tshav tub rog hav zoo ( special guerrilla ) uas yog yawg xim thoos koos mas das ua thawj tswj hwm, hos nyob sab qaum teb xas niam ( Samnuea ) xeev kham (xiengkhouang ) yog yawg faiv ntaj lauj ua tus thawj tswj hwm, nkawd cov tub rog : muaj 3.500 mus rau 8.000 leej,feem coob yog haiv neeg toj siab ( hmoob ) hos tub rog nyab laj muaj 30.000 leej. Txog xyoo 1954 fab kis tau swb rog nyob sab teb chaws yaj ces teb tsim meej ( indochine ) fab kis thiaj lees tsis ua rog ntxiv lawm, lub laj sim kob no amelivkas(American) cia li nkag kiag tuaj hloov fab kis chaw thiab tshaj tawm hais tias nws yog : pawg neeg siab dawb pab cuam muaj npe hu ua: ( us aid ) tuaj pab txhim kho lub teb chaws yaj ces teb tsim meej( indochine) uas muaj : nyab laj, nplog, qhab meem.