Dab Neeg Ntuj Tsim Teb Raug (Nqe 10)

Xyoo torn ntej teb chaws suav liab ( tuam tshoj teb ) kuj cev tes tuaj txais ib pab mus lawm thiab. Cov hmoob uas muaj yawg faiv ntaj ua tus thawj ib txwm nrog nplog liab nyob tau txais koob meej zoo uas yog nplog liab thiab nyab laj liab tau tsa ua nom hnub tim 2 lub 12 hlis xyoo 1975 ( 12/2/75 nyob vees cas ( Vientiane laos ) muaj yawg faiv ntaj lauj thiab yawg xim thoos koos mas das nkawd tau txais lub rooj zaum theem 2 ntawm tseem hwv nplog liab hos lwm tus mas tab torn sib kho ntxhov quav niab. = yawg Tub npis lis foom ( S.E.TouBy lyfoung) raug nplog liab ntes coj mus kaw nyob yeej kaw neeg moos vias xais, xas niam, yawg mus tau ib xyoos ces hnov moo tias tuag tshaib lawm. Tsis tas li tseem tshuav ib feem hmoob coob tsis xav khiav lawv ua ib siab nrog tseem hwv nplog liab nyob, pawg hmoob no lawv hais tias yus yog pej xeem xwb nyaj tseem hwv nplog liab yuav tsis tua, luag yuav hlub xwb, vim tias twb muaj yawg faiv ntaj yog hmoob ua tus lwm thawj ntawm tseem hwv lawm ces yuav zoo ib yam li tub npis thiab vaj pov nyob thiab. Tab sis nws tsis zoo li suav daws lub siab xav. Yawg kais xuam phoos vis ham thawj kwm tsav tau laj fab tswv yim hais tias: pawg hmoob no yog vaj pov thiab. C.I.A. tso tseg cia ua cov neeg nrhiav xov xwm xa rau vaj pov thiab .C.I.A. xwb yawg kais xuam thiaj xa tub rog nyab laj thiab nplog liab mus puav ntes tsoom hmoob nyob ib cheeb tsam looj ceeb xas thoos,phav kheb, nas xus, moos cab,moos om, moos oo, pam phais, roob yiag,moos pheeb, phwv los phauj ,pham lais, thaum ntes tau muab hmoob tua pov tseg tas cov uas ua ib siab tawm los thawj, nplog liab muab cov qub nom tswv thiab thaib ham coj mus tua pov tseg tas ib yam nkaus.

Nyob sab pem toj vees cas tus tseeb tsim zoo li ntawd lawm tshuav ib pawg hmoob - lawv tau ntshai Heev tsis pom qab yuav ua zaj twg ? thiaj dim txoj sia, pawg hmoob no thiaj txiav txim siab nrog nplog liab sib tua ua ntu zus los, pawg neeg no nplog liab hu ua " cob fab " hais tau tias teb chaws - nplog tseem tsis tiaj tus, vim tseem hwv nplog liab txoj cai tsis ncaj ncees rau pej xeem haiv neeg me hais txog pawg hmoob no kuj txheeb ze yawg faiv ntaj kawg nkaus,tab sis yawg faiv kuj hais tsis taus ib los lus tawm, tus kam zoo li no thiaj ua rau yawg faiv ntaj mob hlwb heev qhov kawg yawg kuj tau tas sim neej lawm vim txoj kev nyuab yawg siab heev dhau. Tseem tshuav cov hmoob uas ib txwm koomtes nroos tuaj nplog liab tog nrog yawg faiv ntaj ua los tau 40 tawm xyoo lawd, tarn sim no lawv pom thiab paub tseeb tias: nplog liab txoj cai uas tau sib cog lus los tau li 40 xyoo lawd yog cai dag xwb tsis tseeb kiag tsoom hmoob feem coob uas nrog nplog liab ua ib nqag los ntev lawd tau tawm mus ua noj,ua haus nyob toj roob hauv pes feem txom nyem kawg, dhau li ntawd muaj tus puav kuj tau khiav tawm teb chaws Nplog mus nyob rau teb chaws ywj pheej ( America ) Muaj cov tub ntxawg,tub ntse uas kawm tau qib siab Xws li ( Doctors ) uas ib txwm nrog nplog liab nyob los tau 40 xyoo lawm zoo li : yawg Doctor seng keo senephachy ( xiam kiab xiam phaj civ ) tau khiav tawm teb chaws nplog mus rau suav liab teb chaws yog xyoo 1985 yawg tau mus hais tawm tias: nplog liab txoj cai uas yog yawg kais xuam tau muab siv rau cov neeg hmoob nyob toj siab mas yog ib txoj cai Uas tua neeg txoj sia feem tsis khuv xim kiag, yawg tau xa tub rog nrog dav hlau mus tua thiab tso tshuaj rau tsoom hmoob nyob suam roob phwv npiab ua rau tsoom neeg hmoob ploj tuag lawm coob kawg nkaus yawg tseem hais ntxiv tias: tarn sim no nyob teb chaws nplog puas tsav yam yog nyab laj ua tus thawj tag nrho, nplog tsis muaj cai dab tsi li, yawg doctor xiam kiab thiaj txiav txim siab khiav tawm mus nyob lwm teb chaws kom tsis txhob pom thiab hnov tej txheej xwm no. Hais txog hmoob lub neej nyob yaj ces teb tsim meej ( teb chaws los tsuas ) txij li xyoo 1806 mus txog xyoo 1975 xam muaj hnub nyug 169 xyoos txwm nkaus rau xyoo 1975. peb haiv neeg hmoob lub neej thoj nam yaj ces tuam meem teb (tuam tshoj ) nkag los nyob rau teb chaws los tsuas tau 169 xyoos, peb tau txais kev zoo muaj hwj chim thiab tau txais kev ploj tuag ntau tsav,ntau yam los raug rau peb haiv neeg hmoob, tej txheej xwm no tsis yog tim peb haiv hmoob, nws yog tim nom tswv nplog tsis txawj tswj teb kav chaw xwb thiaj ua rau peb haiv hmoob tau txais kev txom nyem vim li no. Tus hais thiab sau yog Major. Sob kawm keeb puav vim ntawm daim luaj pua qab ntuj khwb xawb luv cawv sim no, raws li tau teeb tseg rau hauv tus moj kuab Hmoob. Daim luaj pua, lub ntuj, lub hnub thiab lub hli uas tseem kav peb tarn sim no muaj los tau: yim vam, peb caug rau xyoo (80.036) txwm nkaus rau xyoo 1996 no kom nej Hmoob paub tseg. 

Lub hnub thiab lub hli lub roj yog daim av luaj pua no ncu xwb. VAJ SAUB SIV YIS tau hais tseg rau ntiaj teb qab ntuj khwb tias: NYUJ hnub 15, NYUJ hli 7 hli, NYUJ xyoo 110 ntawd tseg tias: daim AV mas puv yees ntawm 38.736 xyoo mas dej dag yuav tsum nyab ntiaj teb ib zaug thiaj tas, tus qauv fai ntawm ntuj tsim tseg, teb tsim cia, mas thiaj tau muab teem tseg rau ntiaj teb neeg uas tus coj thiab nco tseg. 31- Xyoo 38.736 hnub 15 lub 7 hli, dej dag nyab ntiaj teb zaum ib (1) kom nej hmoob paub tseg thiab keev khaws cia ua dab neeg. 41- Dej dag nyab ntiaj teb ib zaug mas yuav yog 12 xyoo dej thiaj li yuav nqig tas. Dej nqig tas yuav yog li 12 xyoos AV thiaj li ruaj khov. Daim luaj pua xawb luv cawv sim xeeb tau los muaj li yim vam peb caug rau xyoo (80,036) txwm nkaus rau xyoo 1996 no lawm. Dej dag nqig tas tau 22 xyoos, mas pob zeb li ruaj, av li khov, dej li ntws muaj kwj, hauv roob li tus, xyoob ntoo tsis muaj, nroj tsuag tsis muaj, kab, ntsaum tsis muaj, zeej tib neeg, txuab zeej neeg tsis muaj, lub ntiaj teb liab plaim, daj rhuv nyob rau lub laj sim kob ntawd. Thaum ntawd tshuav noob txuab zeej nyob ntiaj teb yog: NAUS ES lub nkoj thiab nkauj mim, nraug nus lub nruas daj xwb. Thaum dej nqig tas lawm ces NAUS ES lub nkoj ntab mus khuam rau ASKIV teb chaws sab hnub poob, hos nkauj mim thiab nraug nus nkawd lub nruas daj ces ntab mus khuam rau sab hauv ntuj pem toj uas tarn sim no yog sab ASIA teb chaws. Thaum dej qhuav tas lawd yawm vaj saub siv yis mam muab lub nruas daj tho qhov ces thiaj pom nkauj mim, nraug nus nkawd thiab ob tug noog ntsim lib nyob ,. hauv lub nruas daj tawm los sab nraud. Dej nqig tas tau 32 xyoos VAJ SAUB SIV YIS mam tsim noob kab, noob ntsaum, noob tsiaj, noob txhuv, tsiaj nruab nqhuab, tsiaj nruab deg txhua tsav, txhua yam thoob plaws qab ntuj khwb 11/- Dej nqig tas tau 52 xyoos VAJSAUBSIVYIS mam tseb noob qoob, noob loo, noob nroj, noob tsuag, noob xyoob, noob ntoo rau lub ntiaj teb thoob plaws. Dej nqig tas tau 59 xyoos ntuj li pib qhuav, teb li pib nkig, lub ntuj li qhuav tau xya niaj, lub teb li qhuav tau xya xyoo Dej nqig tas tau 66 xyoo ntuj li pib los nag yug noob txuab sim thiab txuab zeej txhua tsav, txhua yam hauv lub ntiaj teb. Dej nqig tas tau 74 xyoos mas noob txuab sim thiab noob tsav tsim mam muaj nroj tsuag xyoob ntoo mam li tawg kaus pib tuaj rau lub ntiaj teb no noob txuab sim thiab txuab zeej uas xub xub tso los ua ntej mas yog: twj , kum, kaum zaug, tshwb liag, tsaug, noog lob laig, nraj, yaj yuam, xyoob ntoo muaj: kuj yem, tsawb. Dej nqig tas tau 78 xyoo mas txuab sim, txuab tsav tsim muaj txhij txhua thoob plaws qab ntuj. Dej nqig tas tau 96 xyoo mas txuab zeej hu ua Nas, Noog, tsiaj txhu, Kab ntsaum mam tau zaub noj, tau txiv ntoo noj, txuab tsim, tsav tsim li pib txi txiv ua noob tawg paj. Dej nqig tas tau 102 xyoos mas yog xyoo nkauj ntsuab, nraug nab nkawd sawv los puab rhawv zeb thoob teb chaws, nkawd nyob txog xyoo 152 ces nkawd rov qab lawm. Dej nqig tas tau 161 xyoo yog xyoo qav kaws nqis los kav lub ntiaj teb ib zaug los yog zaum ib nyob ntiaj teb no. Dej nqig tas tau 253 xyoo TXOOV SIV YIS nqis los xeeb tsheej zeej neeg yog lub 9 hlis, hnub 19 mas txoov siv yis hnub nyoog muaj 86 mam li sawv muaj hwj chim los ntaus dab noj nyoog haus txias (Nyav) mas yog ntaus xyoo 339 ntaus tau 3 xyoos ces dab noj nyoog thiaj swb txoov siv yis lawm. Thaum txoov siv yis tsis tau ntaus nyav mas dab noj nyoog yog tus kav teb chaws. Dej nqig tas tau 464 xyoos yawg txoov siv yis li rov qab mus nyob cuaj tshooj ntuj saum ub, nws rov qab yog hnub 19 lub 9 hlis, nws los nyob ntiaj teb tau 125 xyoos kom nej paub li no. Dej nqig tas tau 600 xyoo muaj ib tus hu ua hawj tuam kob sawv los kav ntiaj teb ib zaug kom nej paub li no Zaj kwv huam hais tso tseg li no lwm hnub mam rov hais ntxiv. Tus hais yog yawg XWM KOOB TSHEEJ.